Asambleja Kombëtare e Partisë Socialiste do mblidhet ditën e sotme rreth orës 17:30. Mbledhja do zhvillohet online. Mësohet se në rendin e ditës parashikohen 6 pika kryesore ku mes tyre miratimi i projekt vendimit për thirrjen e kongresit të jashtëzakonshëm në 12 qershor, analiza e rezultateve të zgjedhjeve të 25 prillit në strukturat vendore si miratimi vendimit për zgjedhjet e reja në strukturat vendore të partisë.
10 ditë më pas, në datë 12 qershor socialistët do të mbajnë kongresin e partisë, në përvjetorin e 30 të Partisë Socialiste. Më herët Edi Rama ka thënë se një arsye pse është vendosur kjo datë ka të bëjë me numrin e viteve të qeverisjes së socialistëve përllogaritur në tre mandate të fituara rresht.
Në një deklaratë të mëparshme Rama tha se në këtë vit 30-vjetori, do jetë një fushatë hapjeje e Partisë Socialiste, hapje e cila sipas tij do të krijojë mundësi gjithëpërfshirëse.
