Bota

Frika nga variantet e reja të Covid-19 kufizon Haxhin, vetëm 60 mijë besimtarë do kryejne ritualin

Edhe këtë vit, besimtarët që nuk jetojnë në Arabinë Saudite, nuk do të munden të kryejnë ritualin e haxhit. Mbretëria do të lejojë vetëm 60.000 banorë të cilët janë vaksinuar kundër koronavirusit, i përkasin moshës nga 18 deri në 65 vjecc dhe nuk kanë sëmundje kronike.

Ministria Saudite e Haxhit dhe Umres argumenton se është e rëndësishme të tregohet kujdes për shkak të varianteve të reja të koronavirusit në mënyrë që Haxhi i këtij viti të mos jetë një epiqendër për përhapjen e sëmundjes në Mbretëri ose në botën muslimane.

Përpara pandemisë, qytetet e shenjta të Mekës dhe Medinës janë vizituar nga më shumë se 2 milionë pelegrinë por vitin e kaluar u kufizua për vetëm 1 mijë besimtarë.

Rituali pesëditor, këtë vit është planifikuar të mbahet në datat 17-22 korrik. Ai është një prej pesë shtyllave të fesë islame dhe detyrë që duhet ta kryejë të paktën një herë në jetë secili musliman që ka aftësi fizike dhe mund ta përballojë udhëtimin.

Related Articles

Leave a Reply

Your email address will not be published. Required fields are marked *

Back to top button