Presidenti francez Emmanuel Macron do presë kryeministrin Albin Kurti. Mësohet se takimi do të mbahet në orën 19:30, në Pallatin Elisee në Paris. Kurti dhe Macron do të bisedojnë lidhur me temën e dialogut midis Kosovës dhe Serbisë si dhe perspektivën e Kosovës drejt integrimeve Evropiane.
Pritet që Kurti të kërkojë nga presidenti Macron përkrahje për procesin e liberalizimit të vizave. Kjo është vizita e parë e Kurtit në Paris pas marrjes së detyrës si kryeministër. Ftesën për takim, Macron ia kishte dërguar para tre muajsh kryeministrit Kurti, pasi ai kishte fituar zgjedhjet parlamentare të 14 shkurtit.
