“It’s not coming home”! Kane flet për herë pas humbjes: Do të na dhembi sa të jemi gjallë”
Kupa e Europës 2020 nuk shkoi në Angli dhe kjo ka shkatërruar lojtarët dhe tifozët e 3 Luanëve. Pas humbjes, Harry Kane ka folur për mediat. “Nuk kam mundur të jap më shumë. Djelmoshat nuk kanë mundur të japin më shumë.
Penalltitë janë ndjesia më e keqe në botë kur humb. Nuk ishte nata jonë, por ky ka qenë një turne fantastik dhe ne duhet ta mbajmë kokën lart. Natyrisht se do të na dhemb tani. Do të na dhemb për një kohë. Por ne jemi në rrugën e duhur dhe jemi duke u rritur dhe shpresojmë se do të përparojmë vitin e ardhshëm”, tha ai.
Koha e rregullt mes Angli- Itali përfundoi 1-1, ishin penalltitë që vendosën fituesin. Anglia u mund 3:2, me Marcus Rashford, Jadon Sancho dhe Bukayo Saka që dështuan nga pika e bardhë. Anglia ishte në kërkim të trofeut të parë të madh pas 55 viteve, që prej triumfit në Kupën e Botës më 1966.
