Përmbytje masive në Gjermani, 4 të vdekur dhe 30 të humbur, në rrezik shembja e 25 shtëpive

Përmbytjet masive në Gjermani kanë përfunduar në tragjedi. Mësohet se kanë vdekur 4 persona ndërsa 30 të tjerë kanë rezultuar të humbur.

Mediat gjermane shkruajnë se ekziston rreziku i shembjes së 25 shtëpive në zonën kodrinore të Eiffel.

Ndërkohë që ekspertët janë shprehur të shqetësuar pasi reshjet e mëdha të shiut dhe stuhitë në Nordrhein-Westfalen priten të përkeqësojnë edhe më shumë situatën, ndërsa lumenjtë kanë dalë nga shtrati.

Përmbytjet kanë shkaktuar rrëshqitje të dheut, rrugë të përmbytura, bodrume të mbushura me ujë. Gjithashtu hekurudhat dhe trafiku rrugor janë bllokuar për orë të tëra.