Lajme

Skafi pëson defekt në motor dhe përplaset me shkëmbinjtë në Karaburun, shpëtohen 7 turistët dhe kapiteni

VLORË- Pushimet për 7 turistë për pak kanë përfunduar në mënyrë tragjike.

7 turistët dhe kapiteni kanë rrezikuar që të mbyten në shpellën e Haxhi Alisë, pasi skafi me të cilin po udhëtonin ka pësuar një defekt teknik e për pasojë është përplasur me shkëmbinjtë.

Fatmirësisht Roja bregdetare ka ndërhyrë dhe duke sjellë skafin në Triport, e duke bërë që kjo ngjarje të mos përfundonte tragjikisht.

Policia Kufitare u vjen në ndihmë 8 shtetasve, të cilët rrezikuan jetën në det, me një mjet lundrues. Turistët kishin dalë për lundrim në Karaburun me një mjet tip skaf, por skafi ka pësuar defekt në motor, duke rrezikuar jetën e tyre. Shërbimet e Policisë Kufitare në bashkëpunim me Stacionin e Policisë Kufitare Triport, kanë shkuar në kohë në drejtim të adresës së dhënë dhe pas kërkimeve në det, në vendin e quajtur “Shpella e Haxhi Aliut”, Karaburun, kanë gjetur mjetin lundrues tip skaf, së bashku me 7 turistët dhe kapitenin, të cilët ndodheshin në bordin e mjetit lundrues.

Personat janë transportuar në “Shën Jan”, Karaburun dhe ndodhen në gjendje të mirë shëndetësore, ndërkohë mjeti i tyre lundrues është transportuar nga Policia në Triport. Policia e Vlorës është e angazhuar maksimalisht në shërbim të qytetarëve, vizitorëve dhe turistëve duke krijuar një ambient sa më të sigurt dhe në këtë kuadër fton qytetarët të denoncojnë në 112 dhe në Komisariatin Dixhital çdo rast të paligjshmërisë”, njofton Policia.

Related Articles

Leave a Reply

Your email address will not be published. Required fields are marked *

Back to top button