Zjarri prej javësh në Greqi, po shkakton ndryshime të herë pas hershme në qiell. Mediat lokale shkruajnë se këtë herë, qielli në Atikë është bërë i zymtë, ndërkohë që ishte ditë. Sipas mediave, kjo ndodh se qielli është bërë i zymtë pas rritjes së përqendrimit të grimcave të imëta PM2.5.
Me rritjen e përqendrimit të grimcave, autoritetet në Atikë kanë paralajmëruar grupet e rrezikuara që të kenë kujdes dhe të reduktojnë aktivitetin jashtë. Thirrje veçanërisht është bërë për të moshuarit dhe fëmijët ndërsa është rekomanduar mbajtja e maskave jashtë.
Kujdes i veçantë, veçanërisht për ata që vuajnë nga probleme kardio -respiratore, rekomandohet gjatë orëve të mbrëmjes kur nivelet e përqendrimit të grimcave të imëta të pezulluara janë më afër tokës. Kujtojmë se zjarret Evia vijojnë të jenë aktive dhe të shkatërrojnë sipërfaqe të tëra pyjesh prej nëntë ditësh tashmë.
