Lajme

U kapën nga kamerat duke vrapuar, identifikohen 2 autorët e zjarrit tek “Sarajet” në Tiranë

Zjarri që përfshiu mbrëmjen e së hënës godinën e Sarajeve në kryeqytet dyshohet se është vënë nga dy persona. Pas verifikimit të kamerave të sigurisë hetuesit kanë mundur të identifikojnë 2 autorët, por për shkak të hetimit nuk bëhet ende me dije identiteti i tyre.

Burime nga policia thonë se autorët janë shpallur në kërkim dhe po punohet për kapjen e tyre. Nga kamerat e sigurisë është parë se ata kanë hyrë nga pjesa e pasme e godinës dhe pasi I vunë flakën ambienteve të katit të parë u larguan me shpejtësi.

Në pamjet e sekuestruara, shfaqen dy persona që mund të jenë përfshirë në zjarrvënien e monumentit të kulturës. Nga hetimet ka rezultuar se autorët kanë përdorur një bidon me benzinë. Një prej tyre , që shfaqet në këtë video largohet me vrap pak sekonda pas zjarrvënies.

Si pasojë e flakëve është dëmtuar edhe pjesa e tavanit e ndërtuar kryesisht me bazë druri. Burime nga policia me dije se, flakët janë pikasur nga roja i një biznesi aty pranë që më pas ka njoftuar edhe forcat zjarrfikëse. Për shkak të ndërhyrjes së shpejtë zjarri është vënë nën kontroll duke shmangur djegien dhe shkatërrimin e totale të godinës.

Related Articles

Leave a Reply

Your email address will not be published. Required fields are marked *

Back to top button