Në një kohë kur po bëhen përpjekje për të frenuar variantin indian të koronavirusit, ka mjaft qeveri që po bëjnë plane të veçanta për të vaksinuarit dhe të pavaksinuarit.
Planet e mëtejshme të qeverisë federale gjermane për t’u përballur me Gjermaninë janë shpalosur në një intervistë me RTL nga Ministri Federal i Shëndetësisë Jens Spahn, i cili ka njoftuar se administrata Merkel për të nxitur edhe procesin e vaksinimit, po planifikon përfundimin e kufizimeve për ata që janë vaksinuar.
“Nevojiten rregulla të reja, për shembull numri i pacientëve me Covid-19 në spitale. Nëse në ditët e ardhshme, tre, katër ose pesë javët e ardhshme, shumë njerëz vazhdojnë të vaksinohen, atëherë ne kemi një shans të mirë që nuk do të kemi nevojë për masa të mëtejshme në vjeshtë dhe dimër. Neve na takon të gjithëve të vendosim nëse do të ketë çështje të tjera.
Por gjithashtu dua ta bëj të qartë se nuk do të ketë kufizime të tjera, ndalime, kufizime për ata që janë vaksinuar ose shëruar.”- ka thënë Ministri federal i Shëndetësisë.Një kriter i mirë për situatën aktuale është shtrimi në spital, dmth sa persona me Covid-19 janë shtruar në spitale për trajtim, sepse gjëja më e rëndësishme është se sistemi shëndetësor nuk është i mbingarkuar,” përfundoi ai.
Spahn ka lënë të kuptohet se rikthimi në vendin e punës dhe në edukim është i garantuar për të vaksinuarit dhe nuk do të ketë tjetër “lockdown” të plotë. Megjithatë, nuk përjashtoi shtrëngimin e mëtejshëm të rregullave për ata që refuzojnë të vaksinohen, një situatë që padyshim do të nxisë edhe më shumë protesta dhe sfida ligjore kundër qeverisë gjermane.
