Një ngjarje e rëndë është regjistruar sot në zonën e Astirit në Tiranë, ku një apartament është përfshirë nga flakët.
Ngjarja ka ndodhur rreth orës 04:30 të mëngjesit. Mësohet se një si pasojë e flakëve, nje grua dhe disa perosna te tjere janë hedhur nga ballkoni për t’i shpëtuar zjarrit.
Bëhet fjalë për një djalë edhe një grua, ku për pasojë kjo e fundit ka ndërruar jetë në spital pas plagëve të marra nga rënia.
Njoftimi i policise: Tiranë/Informacion paraprak
Rreth orës 05:55, në Astir, ka rënë zjarr në katin e 3-të një pallati. Dyshohet se në pamundësi për të dalë jashtë gjatë kohës së zjarrit janë hedhur nga lartësia( dritarja) shtetasja H. O, rreth 62 vjeçe dhe djali i saj K. O, 36 vjeç.
Si pasojë ka ndërruar jetë shtetasja H. O, ndërsa shtetasi K. O, ndodhet në spital, nën kujdesin e mjekëve.
Grupi hetimor vijon punën për sqarimin e plotë të rrethanave të ngjarjes.
