Lajme

Erdogan mesazh të fortë Greqisë: Nuk do ta tolerojmë sjelljen tuaj

Erdogan mesazh të fortë Greqisë: Nuk do ta tolerojmë sjelljen tuaj

Erdogan mesazh të fortë Greqisë: Nuk do ta tolerojmë

Presidenti turk, Recep Tayyip Erdogan, i dërgoi një mesazh të fortë Greqisë, duke thënë se nuk do të tolerojë atë që e quajti “sjellje agresive” të shtetit fqinj.

“Edhe pse mbështesim pa kushte Greqinë, nuk do të tolerojmë sjelljen e tyre”, tha Erdogan gjatë fjalës së tij në Forumin e “TRT World”, televizionit publik turk, të zhvilluar në Stamboll. “Jemi bashkë, aleatë në NATO.

Por edhe pse jemi aleatë në NATO pyes veten pse sjellin avionë luftarakë në ishujt grekë. Nuk kemi arritur ende t’i zgjidhim problemet . Sa për zgjidhjen e çështjes së ishullit të Qipros nuk do të ndërpresim kurrë dialogun”.

Avionët luftarakë të cilëve iu referohet Erdogan janë vendosur së fundmi nga shteti grek në ishujt Lesbos dhe Samos, që ndodhen pranë brigjeve turke. Greqia ka zhvilluar në muajt e fundmi stërvitje ushtarake me avionë F-16 dhe ne ishullin e Qipros, të ndarë në dy pjesë që prej vitit 1974.

Erdogan shtoi se Turqia është një aktor stabilizues në rajon dhe të gjithë botën. “Turqia punon për paqe, nuk mbron kriza por zgjidhjen e tyre. Turqia po punon për të mirën e të gjithë botës”.

Në këtë forum, ishte pjesëmarrës edhe kryeministri Edi Rama, i cili postoi në Facebook foto nga aktiviteti dhe një takim me Erdogan. Rama e quajti forumin “një platformë e njohur për cilësinë e debateve mbi agjendat globale dhe rajonale”.

Related Articles

Leave a Reply

Your email address will not be published. Required fields are marked *

Back to top button