BotaRajoni

Sanksionet nuk janë zgjidhja e konfliktit – Abc News

schedule14:07 – 10 Shkurt, 2023

Hungaria e cila ka kritikuar sanksionet ndaj Rusisë pas nisjes së luftës në Ukrainë, duket se ka ndryshuar qëndrim pasi kryeministri Victor Orban ka ofruar ndihmë humanitare dhe financiare për Kievin.

Megjithatë ai thekson se zgjidhja e këtij konflikti nuk janë sanksionet por negociatat midis Uashingtonit dhe Moskës. Kryeministri hungarez Viktor Orban konfirmoi ndryshimin e qëndrimit të vendit të tij në lidhje me luftën në Ukrainë, pas një takimi me presidentin Zelensky.

Dy zyrtarët u takuan në kuadër të seancës së posaçme në Parlamentin Europian për situatën në Ukrainë dhe mbështetjen nga vendet e unionit për autoritetet e Kievit në përballje me agresionin rus.

Pas takimit me presidentin e Ukrainës Volodymyr Zelensky në samitin e Bashkimit Evropian në Bruksel, Orban bëri me dije se Budapesti “i përket kampit të paqes”.

Orban shtoi se Hungaria do të vazhdojë të ofrojë ndihmë humanitare dhe financiare për Ukrainën. Këto qëndrime përbëjnë një ndryshim nga komentet e mëparshme të autoriteteve të Hungarisë e cila më parë ka kritikuar vazhdimisht sanksionet e BE-së ndaj Rusisë, dhe deri në një marrëveshje të arritur në dhjetor, bllokoi një paketë ndihme prej 18 miliardë eurosh të BE-së për Ukrainën.

/abcnews.al

 




Source link

Related Articles

Leave a Reply

Your email address will not be published. Required fields are marked *

Back to top button