Lajme

Dodik: Asociacioni duhet të ketë kompetenca ekzekutive dhe t’i ngjajë Republikës Serbe

Udhëheqësi i Republikës Serbe në Bosnje, Milorad Dodik ka deklaruar se Asociacioni i komunave me shumicë serbe duhet të ketë kompetenca ekzekutive dhe në një pjesë të ngjajë me Republikën Serbe me të cilën ai e udhëheq.

Ai për Kosovo Online, thekson se propozimi franko-gjerman nuk ndryshon shumë nga disa në të kaluarën, duke qenë se bazohet në kërkesën që Serbia, të paktën në heshtje, të njohë Kosovën, gjë që, thekson ai, nuk duhet të ndodhë kurrë, transmeton Klankosova.tv

Dodik ka shtuar se duhet besuar presidentit Aleksandar Vuçiq kur thotë se “Serbia refuzon mundësinë e njohjes së Kosovës në çfarëdo mënyre dhe dhënies së pëlqimit që Kosova të anëtarësohet në Kombet e Bashkuara”.

“Bashkësisë ndërkombëtare nuk duhet t’i besohet, por duhet diskutuar dhe çdo propozim që nuk respekton qëndrimin kombëtar dhe shtetëror serb duhet të refuzohet”, tha ai, transmeton Klankosova.tv.


Source link

Related Articles

Leave a Reply

Your email address will not be published. Required fields are marked *

Back to top button