Lajme

Zëvendësministri i Mbrojtjes: Jemi të gatshëm të dërgojmë ekipe shtesë në Turqi

Tërmeti i 6 shkurtit e ka tronditur Turqinë dhe Sirinë.

Si pasojë e këtij tërmeti mbi 35 mijë persona kanë vdekur.

Shumë vende të botës janë mobilizuar për t’i dalë në ndihmë shtetit turk, e në mesin e tyre është edhe Kosova.

Ushtarët e Forcës së Sigurisë kanë shkuar atje në mision të kërkim-shpëtimit.

E rreth angazhimit të tyre për Klankosova.tv ka folur zëvendësministri i Mbrojtjes, Shemsi Syla.

Syla tha se ekipet e FSK-së atje do të qëndrojnë sa të jetë e nevojshme.

“Kontigjenti i FSK-së i angazhuar në operacionin e kërkim-shpëtimit në Turqi, pas tërmetit do të qëndrojë deri në vlerësimin e autoriteteve zyrtare turke për menaxhimin e krizës”, tha Syla për Klankosova.tv

Ai se cilat ekipe po marrin pjesë në mision në Turqi.

“Kërkimet janë duke vazhduar. Në operacion aktualisht kemi të angazhuar dy njësi të kërkim-shpëtimit urban, dy njësi të mjekësisë emergjente, tre njësi të K9, si dhe një ekip të oficerëve dhe nënoficerëve për detyra shtabore dhe planifikuese.

Numri dy i mbrojtjes në Kosovë shtoi se Kosova është e gatshme edhe të dërgojë ekipe tjera shtesë.

“Varësisht nga nevojat dhe kërkesat e palës turke, FSK është e gatshme të dislokojë edhe kapacitete tjera shtesë”, tha Syla për Klankosova.tv.

Shemsi Syla, tregoi se ushtarët e FSK-së kanë arritur të shpëtojnë tre persona.

“Deri më tani ushtarët kanë shpëtuar tre persona, dy fëmijë dhe një grua”, tha ai/ Klankosova.tv

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS


Source link

Related Articles

Leave a Reply

Your email address will not be published. Required fields are marked *

Back to top button