Lajme

Kabashi për marshin kundër Asociacionit: S’ishte protestë partiake e as e mbështetur nga ndonjë parti

Këtë të mërkurë, Parlamenti Studentor organizoi një marsh paqësor me thirrje kundër Asociacionit të Komunave me Shumicë Serbe.

Në lidhje me këtë, në Edicioni Special në Klan Kosova, foli deputeti i këtij parlamenti, Kledi Kabashi, për të cilin pjesëmarrja në marsh ishte e kënaqshme.

Ai tha se marshin e organizuan, pasi sipas tij, po cenohet integriteti i territorit të Kosovës teksa shtoi se ishte i domosdoshëm organizimi i një marshi nga Parlamenti Studentor, duke kundërshtuar një asociacion, të cilin ai e quajti mono-etnik.

“Asociacioni i Komunave me Shumicë Serbe së pari s’e ka kaluar testin e Kushtetueses, e duke pasur parasysh përvojat nga e kaluara në rajon kemi pa që asociacioni mono-etnik shpie në ndasi, e ndasia mund të shpie në luftë”, është shprehur Kabashi, njofton Klankosova.tv.

Tutje, ai tha se menjëherë pas eventit për marsh, të nesërmen i kanë bërë ftesë të gjitha partive politike që të jenë pjesë e tij, teksa shtoi se “kjo nuk është protestë partiake, e nuk ka mbështetje partiake nga askush”.

“Më 2 shkurt, Parlamenti Studentor ka shpërndarë eventin për këtë marsh. Menjëherë të nesërmen, ftesa i është bërë të gjitha partive politike, shoqërisë civile, organizatave të dala nga lufta, pra është bërë për të gjithë qytetarët, pa ndasi etnike e pa ndasi partiake”, tha ai, njofton Klankosova.tv.


Source link

Related Articles

Leave a Reply

Your email address will not be published. Required fields are marked *

Back to top button