schedule08:01 – 17 Shkurt, 2023
Një grua është nxjerrë e gjallë nga rrënojat e tërmetit 11 ditë pas dy tërmeteve të fuqishme Turqinë jugore. 42 vjeçarja Neslihan Kiliç u nxor nga rrënojat në qytetin Kahramanmaras të enjten, pas 257 orësh mundimesh, dhe më vonë u transferua në spital.
“Ne kishim përgatitur varrin e saj dhe u kërkuam punonjësve të shpëtimit të ndalonin gërmimin pasi kishim frikë se do të dëmtonin kufomat e mbetura nën rrënoja. Pak çaste më vonë, zëri i saj u dëgjua nga nën rrënojat e ndërtesës”, tha kunati i Kiliç për CNN Turk.
Burri dhe dy fëmijët e Kiliçit janë ende të zhdukur. CNN Turk raportoi se më shumë se 250 njerëz kishin humbur jetën në kompleksin e shumëkateve ku u gjet i gjallë Kiliç.
In yet another miraculous rescue, a woman was found alive in the rubble after 257 hours, more than 10 days, of twin earthquakes in southern Türkiye https://t.co/liI9btIFhL pic.twitter.com/40NQU8WSZY
— ANADOLU AGENCY (@anadoluagency) February 16, 2023
