Kosova

AUV shqiptoi brenda ditës 120 gjoba për shkeljen e ligjit të duhanit

Si ligj, ekziston që nga viti 2013.

Pra, tash e një dekadë, Kuvendi i Kosovës e ka aprovuar Ligjin për kontrollin e duhanit.

Por, ky ligj ka hasur në telashe të shumta në zbatim. Bile, edhe vet në objektin ku u miratua, ai shkelet.

Shpeshherë, kryetarët e kuvendit, si aktuali, si të më hershmit, kanë kritikuar deputetët që konsumojnë duhan në byfen e kuvendit.

E të enjten, Ministri i Bujqësisë, Faton Peci dha një lloj ultimatumi që të ketë “zero tolerancë” për shkelësit e këtij ligji.

Rigoroziteti nisi menjëherë nga ana e Agjencisë së Ushqimit dhe Veterinës.

Zëdhënësi i këtij institucioni, Lamir Thaçi, në “Sytë 7” në Klan Kosova, tha se qysh të enjten janë shqiptuar 120 vërejtje (gjoba) për shkelësit e ligjit të duhanit.

Ndërsa, sa i përket kuvendit dhe shkeljes së ligjit nga deputetet, Thaçi në “Sytë 7” në Klan Kosova, tha se nuk është vetëm AUV që e inspekton këtë ligj, por edhe vet administrata e institucioneve, udhëheqësi institucional, dhe agjencitë tjera si dhe policia, duhet ta monitorojnë, pasi obligohen me ligj.


Source link

Related Articles

Leave a Reply

Your email address will not be published. Required fields are marked *

Back to top button