Show-Biz

Hapet fondacion ‘online’ për Luizin, mbi 7000 dollarë grumbullohen në pak orë

Luiz Ejlli vazhdon të jetë kryefjala e këtij edicioni të Big Brother VIP Albania.

Ai është kthyer në një prej konkurrentëve më të pëlqyer dhe ka thyer rekordin si “tag’-u më i kërkuar i muajve të fundit në TikTok.

Duke qenë se ka fansa të shumtë që duan që ai ta fitojë edicionin e dytë të BBVA, për të së fundmi është hapur edhe një fondacion online.

Foto: Luiz Ejlli/Instagram

Në platformën GoFundMe ekziston tashmë një fondacion i hapur nga e ëma e tij, Angjelina dhe motra e tij, Ina.

“Përshëndetje të gjithë fansave të zjarrtë të Luizit! Pas shumë kërkesave për të treguar mbështetjen tuaj duke i dërguar dhurata në mënyrë transparente Luizit, kemi hapur një llogari GoFundMe. Ky GoFundMe menaxhohet nga nëna e Luizit (Angjelina) dhe motra e tij (Ina). Ju falenderojmë nga zemra per mbështetjen”, thuhet në përshkrimin zyrtar të fondacionit.

Në vetëm pak orë pasi është bërë publike, llogaria ka arritur që të mbledhë mbi shtatë mijë dollarë.

Madje ka qenë një fans i vetëm i cili ka dhuruar mbi 5000 dollarë për konkurrentin e Big Brother VIP Albania.

Foto: GoFundMe

Shuma që ky fondacion ka vënë si synim që të grumbullohet është plot 250 mijë dollarë amerikanë. /Telegrafi/




Source link

Related Articles

Leave a Reply

Your email address will not be published. Required fields are marked *

Back to top button