Kosova

Nushi për Raportin e DASh-it: Martin Berishaj është tregues i nivelit të lartë të korrupsionit

Sekretari Organizativ i Partisë Socialdemokrate, Nol Nushi e ka parë me shqetësim Raportin e Departamentit të Shtetit amerikan mbi Kosovën. Thotë se në të shfaqet korrupsioni i lartë i Qeverisë.

Një tjetër gjë shqetësuese e sheh edhe dhunën mbi baza gjinore, për të cilën thotë se nuk ka rezultate nga e kaluara.

Në një intervistë për Ekonomia Online, Nushi përmend ambasadorin e Kosovës në Kroaci, Martin Berishaj, si shembull i korrupsionit, transmeton Klan Kosova.

Thotë se përderisa Qeveria nuk e shkarkon ambasadorin Berishaj, tregon qartë nivelin e lartë të korrupsionit.

“Ka kohë që po e themi dhe që po ndodh që Qeveria dhe qytetarët po jetojnë në realitete paralele. Ne qytetarët jemi që vuajmë çdo gjë të kësaj Qeveria dhe është Qeveria që po jeton në një realitet ku gjithçka është në rregull, kushtet janë të mira e pagat janë të larta dhe nuk ka korrupsion. Ndërkohë Raporti i Departamentit të Shtetit flet për korrupsion serioz qeveritar në nivele të larta të korrupsionit dhe po ashtu shumë shqetësuese është edhe dhuna mbi baza gjinore nga e cila kjo Qeveri nuk është që ka bërë diçka, rezultatet janë pothuajse identike me ato të viteve të kaluara. Korrupsioni është i lartë dhe kjo tregohet vetëm me faktin e Martin Berishajt. Nëse për një vit po bëhet dhe ai nuk po shkarkohet me të gjitha ato shkelje dhe me ato transaksione milionëshe të dyshimta, tregon që Qeveria është kokë e këmbë e përfshirë në ato afera, vetëm që problemi është se disa nga to po i dimë e nuk i dimë të gjitha”.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

klankosova.tv


Source link

Related Articles

Leave a Reply

Your email address will not be published. Required fields are marked *

Back to top button