Kosova

“Mos folni aty ku nuk merrni vesh”, “Nuk të respektoj fare”, përplasen Murati e Hoti në Komisionin për Buxhet

Sot është mbledhur Komisioni për Buxhet, Punë dhe Transfere, ku Avdullah Hoti i Lidhjes Demokratike të Kosovës, Avdullah Hoti, e ka pyetur ministrin e Financave, Hekuran Muratin, se pse që tre muaj nuk është zgjedhur ende Bordi Drejtues i Fondit të Kursimeve Pensionale të Kosovës.

Hoti këtë e ka konsideruar si papërgjegjësi morale dhe institucionale nga ana e ministrit, për të cilin tha se sot është dashur të vijë me dorëheqje.

“Pse s’jeni mbledhë qe tre muj me e zgjedhe bordin?” ka thënë Hoti, drejtuar Muratit.

“Me pasë pak përgjegjësi sot ishit dashtë me ardhë me dorëheqje”.

“Unë kam evidenca edhe kam me i ba publike mjetet e trustit pensional që janë të investuara edhe në ato bankat që kanë falimentu nëpër portfolio të ndryshme”, ka thënë Hoti mes tjerash, teksa i drejtohej Muratit.

“Si i sqaron ti kur këto kanë ra poshtë sepse nuk ka mundësi sepse nuk ka bord?”

“Mos ndërhyj, as mos u zgërdhi kur flas”, vijoi Hoti ndaj Muratit me një irritim të theksuar.

“Ta bëjmë diskutimin serioz ose profesional”.

Madje, ai i tha Muratit që nuk e respekton fare, por që i duhet të flasë me të për shkak që është ministër.

Ndërkaq, Murati i përsëriti disa prej arsyeve që i kishte thënë më herët gjatë mbledhjes se pse është vonuar zgjedhja e këtij bordi.

“Sa i përket çështjes,  e sqarova në fillim, e thashë që i kemi ndërmarrë hapat e nevojshëm për ta shpallur konkursin”, iu përgjigj Murati.

“Shqetësimi im ka qenë kur kam parë që në listën e anëtarëve ka pasur më shumë anëtarë të huaj se sa anëtarë vendorë”.

Murati tha se kjo është përgjegjësia që ata e mbajnë dhe nuk mund ta zgjedhin një bord për hir të shpejtësisë e në shpinë të cilësisë, kur dihet që ai bord do të jetë afatgjatë.

“Nuk mund të përcaktohem nëse nuk konsideroj që s’osht bazeni i mjaftueshëm i kandidatëve”.


Source link

Related Articles

Leave a Reply

Your email address will not be published. Required fields are marked *

Back to top button